Во скопскиот Кривичен суд денеска е одложено рочиштето за случајот „Поткуп“, поради отсуство на судијката Дијана Груевска-Илиевска, која била на боледување. Новото рочиште е закажано за 20 ноември.
Премиерот Зоран Заев во својство на градоначалник на Струмица, е обвинет дека наводно побарал поткуп од струмички бизнисмен Иван Николов, во вредност од 160 илјади евра за градежно земјиште во Струмица.
На претходното рочиште одбраната на Заев побара изземање на снимките од Посебните истражни мерки објавени на Ју тјуб, но Судот го одби ова барање. Решението дека снимките ќе бидат доказ во постапката им беше врачено на Заев и на неговите адвокати. Одбраната на Заев најави дека ја разгледува можноста за жалба на ова решение.
