Утринава во 9 часот, на крстосницата на улиците „Вељко Влаховиќ” и „Даме Груев”, кај ТЦ „Палома бјанка” во Скопје поради судар на три возила сообраќајот бил во застој, соопштуваат од МВР.
Во сообраќајката во која учествувале три возила „цитроен“ со кумановски таблички и „опел“ и „форд“ со скопски регистарски таблички нема повредени.
Причинета е материјална штета.
Поради вршење увид од страна на полицијата, сообраќајот во центарот на Скопје беше во застој.
