Студенти и професори студенти од Универзитетот за информатички науки и технологии „Свети Апостол Павле“ од повеќе десетици држави од целиот свет денеска во Охрид го славеа Светскиот ден на културната разноликост, презентирајќи дел од културното богатство, фоклорот, храната од земјите од кои доаѓаат.
Со модна ревија на народни носии, национални танци, дегустација на традиционална храна и пијалоци, странските студенти од Универзитетот за информатички науки и технологии „Свети Апостол Павле“ на Градскиот плоштад се претставија со дел од нивното духовно и културно национално богатство.
– Оваа година слично како и минатата решивме да презентираме неколку држави, најразновидна храна од повеќе држави, танцови од Шри Ланка, два африкански танца, турски перформанс и македонски фолкор, рече Марио Таламаноски, студент и организатор на манифестацијата.
Студентите сметаат дека ваквите манифестации придонесуваат за нивно зближување, покраj нивните секојденвни контакти воспоставени преку редовната настава на Универзитетот.
Универзитетот „Св. Апостол Павле“ со студенти и професори и студенти од повеќе десетици држави од сите континенти претставува уникатна високообразовна установа со истакнат мултикултурен профил.