Студентски пленум за утре во 11 часот пред Собранието на Република Македонија ги повикува сите граѓани да се солидаризираат и да дојдат со свои пароли и со свирчиња.
На социјалните мрежи Студентскиот пленум објави:
„Пред пратениците во Собранието на РМ ќе се најдат измените за законот во високото образование во среда. Да одиме и соодветно да ги пречекаме маратонците пред финишот, односно собраниските порти, со громогласен аплауз и честитки во трката за лоши реформи во образованието!
Ги покануваме сите студенти и граѓани да дојдат со свои пароли и свирчиња за да ги бодриме маратонците во нивната тешка трка – кој прв да стисне „ЗА“ законот и упропастување на образованието!“
Првично повикот беше упатен само кон студентите но потоа се прошири на сите граѓани. На собирот присутните ќе ги бодрат пратениците кои ги нарекуваат „маратонци“ во нивната тешка трка – кој прв да стисне „за“ законот и „упропастување“ на образованието!
Утре во Собранието на пленарна седница се измените на Законот за високото образование кои во второ читање на комисиска расправа поминаа во саботата во 3 часот по полноќ.