Во посета на Дипломатската академија при Министерството за надворешни работи (МНР) на Република Македонија, престојуваше група од 62 студенти од 22 држави од Дипломатската академија од Виена, предводени од директорот на акдемијата д-р Ханс Винклер и австриската амбасадорка Ренате Коблер, соопшти денеска МНР.
Во амфитеатарот на МНР воведно обраќање имаше министерот Никола Попоски, кој ги запозна гостите со позициите на Република Македонија во однос на нашето членство во ЕУ и НАТО, а потоа следеа обраќања на директорот Винклер и амбасадорката Коблер.
Како што се наведува во соопштението, во интерактивна дискусија со студентите, беа елаборирани позициите на Република Македонија во однос на актуелните случувања и предизвиците со кои се соочува регионот.