Основното обвинителство од Струга од истражен судија од струшкиот Основен суд побара да му одреди мерка притвор на маж од селото Велешта кој е обвинет дека сторил кривично дело убиство во обид.
ОЈО тврди дека на 23 ноември, во Велешта, осомничениот се обидел да убие маж со кој односите му биле влошени поради должничко-доверителски обврски.
„Сега оштетениот му должел 2.000 евра на осомничениот и се договориле да се сретнат за да му ги даде. Но, помеѓу нив, најпрвин настанала расправија околу враќањето на парите, а потоа осомничениот го турнал оштетениот и од засега непознато оружје испукал кон него два куршуми. Од истрелите, оштетениот се здобил со тешки телесни повреди – огнострелни рани во градниот кош, абдоменот и колкот. Веднаш потоа осомничениот избегал, а оштетениот успеал да се јави кај неговата сопруга која повикала итна медицинска помош“, велат од ОЈО.