Двајца струмичани и еден полициски службеник од граничниот премин „Дојран“ се уапсени и им е изречен кривичен притвор во траење од 30 дена, соопшти полицијата.
Полицијата пред тоа поднесе и кривични пријави против двајцата струмичани за „злоупотреба на безвизниот режим со државите членки на Европската унија и на Шенгенскиот договор“, а против полицискиот службеник од граничниот премин „Дојран“ за „злоупотреба на службената положба и овластување“ и „соизвршителство“.
Според полицијата, струмичаните Ј.М. (46), А.А. (33) во текот на минатата година со цел да заработат врбувале, поттикнувале, организирале и превезувале македонски државјани во државите од Европската унија и Шенгенскиот договор, додека пак полицискиот службеник помогнал овие лица да ја поминат границата без да бидат регистрирани.
Цел на струмичаните биле голем број граѓани од општините Струмица, Виница и Радовиш и други места на кои им ветувале статус на азиланти во соодветната држава на ЕУ за што им наплатувале најчесто од 200-300 евра од член на семејство.Тронаспортот, според полицијата, најчесто го вршеле со патничко моторно возило „Форд Транзит“и „Форд Галакси“ со струмички регистарски таблички и во време кога на работно место бил полицискиот службеник кој ги пропуштал без да ги регистрира „азилантите“.
