Четириесет и едногодишен струмичанец синоќа загина во сообраќајна несреќа што се случила на регионалниот пат село Банско – село Морино.
Како што информираат од МВР, синоќа во 21:30 часот на регионалниот пат с.Банско-с.Морино, Струмичко, Л.Л. (41) од с.Борисово управувајќи патничко возило „голф“ со струмички регистарски ознаки излетал од патот и удрил во ограда, при што од ударот возилото се одбило и паднало во канал за наводнување.
Возачот Л.Л. од здобиените повреди починал на местото на настанот. Увид извршиле јавен обвинител и екипа од СВР-Струмица.