Четириесет и осумгодишниот Блаже Стојанов од струмичкото село Сушица загина откако четирициклот што го возел се превртел и го поклопил, информира полицијата.
Несреќата се случила вчера кај местото Крива Горица во атарот на Сушица.
Стојанов, од засега непознати причини изгубил контрола над возилото, по што тоа се превртело и при тоа го поклопило. Стојанов поради сериозни повреди починал на самото место.