На 26 ноември 2025 година, полициски службеници од СВР Струмица го лишиле од слобода 48-годишен жител на струмичко село, по пријава дека физички ја нападнал својата сопруга.
Според првичните информации, осомничениот со остар предмет ѝ нанел телесни повреди, а претходно се обидел насилно со шприц да ѝ внесе непозната течност во устата.
Лицето е задржано во Полициската станица Струмица. За случајот е известен јавен обвинител од Основното јавно обвинителство Струмица, по чија насока се преземаат мерки за целосно документирање на настанот. По завршувањето на истражните дејствија, против осомничениот ќе биде поднесена кривична пријава.