А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
InstagramTelegram
А1он
Од: А1он
Македонија

Столтенберг: Македонската полиција докажа во Куманово дека може да се справи со ситуацијата

by А1он11/05/2015 - 13:37105
Share0

Генералниот секретар на НАТО, Јенс Столтенберг, попладнево на прес-конференција во седиштето на Алијансата во Брисел ја пофали македонската полиција за успешното справување со терористичкиот напад на земјата и посочи дека Министерството за внатрешни работи на Македонија успеало да се справи со предизвикот.

Следете a1on на Instagram Instagram

Како што јавува дописникот на МИА од Брисел, Столтенберг денеска го најави состанокот на ниво на министри за надворешни работи на земјите-членки и земјите-партнери на НАТО што пред крајот на неделава ќе се случи во Анталија (Турција), на кој потврди дека ќе се разговара и за она што се случуваше во Куманово.

–  Очекувам дека кога кога ќе разговараме за предизвиците со кои се соочуваме на овој состанок во Анталија да говориме и за ситуацијата на Западниот Балкан и пред се во Македонија. Очекувам за тоа да се дискутира меѓу министрите во Анталија неделава, а јас ќе повторам уште еднаш дека многу жалам за загубата на животите и моите мисли се со семејствата на тие кои ги загубија најмилите во настаните во Куманово, истакна Столтенберг на почеток во неговото излагање за ситуацијата во Македонија.

Генералниот секретар на НАТО додаде дека е охрабрен од фактот што сите избрани политички лидери во земјата дадоа јасна осуда на насилството и повикаа сите да останат мирни. Тој истакна дека се радува што е избегната ескалација на ситуацијата.

Следете a1on на Youtube YouTube

– Македонската полиција беше подготвена да се справи и таа се справи со ситуацијата, но за жал со загуби. Сепак, полицијата докажа дека може да се справи со ситуацијата, дециден е Јенс Столтенберг.

Првиот човек на најголемата воено-политичка организација на светот, исто така посочи дека НАТО ќе го следи одблиску развојот на настаните во Македонија.

Тој посочи дека Алијансата има канцеларија за врски во Скопје, каде за неколку дена, според Столтенберг, ќе има состанок со македонските власти, како дел од редовната комуникација, кога тој очекува претставниците на Алијансата да бидат информирани за сегашната ситуација и како истата е решена.

– Верувам дека ќе се остварат и блиски контакти меѓу Скопје и Приштина за овој настан. А, во овој дел повикувам на транспарентна истрага за тоа што се случи и да се види како се случи,со цел да се превенира нешто слично да не се случи повторно и да нема повеќе употреба на насилство. Ние ќе продолжиме да работиме со Македонија и во рамки на Акцискиот план за членство (МАП), што го воспоставивме и со кој продолжуваме, заклучи Столтенберг.

kumanovonato

Би можело да ве интересира

Бајден за потегот што го загрижи Кремљ: НАТО стигна до границите на Русија

Горан Наумовски17/11/2026 - 19:18

Лавров: НАТО им нанесе голема штета на соседните земји

Горан Наумовски17/11/2026 - 18:23

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Горан Наумовски16/11/2026 - 18:34

Финска го отфрли наводното руско барање за напуштање на НАТО

Горан Наумовски14/11/2026 - 18:07

Москва не се откажува од барањата од 2021 година: НАТО да се врати на границите од 1997 година

Горан Наумовски14/11/2026 - 15:44

Москва предлага пакт со НАТО

Горан Наумовски11/11/2026 - 19:33
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
InstagramTelegram
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео