Стојче Ѓоргиев од кочанското село Грдовци е 39-годишникот кој е убиен во четвртокот наутре во центарот на Љубљана, во Словенија.
Според првичните неофицијални информации, тој бил претепан до смрт.
Причината за смртта сè уште не е разјаснета, а кривичната истрага сè уште е во тек, соопштија од словенечкото МВР.
Амбасадата на Македонија во Љубљана е во контакт со семејството на починатиот и со надлежните словенечки институции, со цел обезбедување на потребната конзуларна поддршка и следење на понатамошниот тек на постапката, соопштија од македонското МНР.
Утре починатиот ќе биде погребан во родното село.