Пратеникот на СДСМ, Благоја Стојановски, најави дека почнувајќи од денеска, на македонската јавноста ќе и бидат презентирани документи кои покажуваат како не би смееле да работат Електрани на Македонија.
– Ова претпријатије во државна сопственост е најголемиот трошаџија во државниот сектор и и досега беше под лупата на јавноста поради огромното трошење и сомнителните зделки. Во изминатите 9 месеци повеќе од една третина од набавките на ЕЛЕМ биле без отворена постапка, во вкупна вредност од 845 милиони денари – изјави тој.
Во изминатите 9 месеци повеќе од една третина од набавките на ЕЛЕМ биле без отворена постапка;
Во вкупна вредност од 845 милиони денари;
Но, денешниов случај ги надминува и досегашните примери на неверојатна леснотија во трошењето на парите на македонските граѓани.
Во 2008 година, АД ЕЛЕМ отвора постапка за модернизација на агрегатите во ТЕ Битола во Постапка со преговарање со претходно објавување на оглас. Огласот има два дела:
ЛОТ 1: модернизација на турбини и генератори
ЛОТ 2: модернизација на котли
На 15 декември 2009, АД ЕЛЕМ склучи Договор со OJSC POWER MACHINES:
само за ЛОТ 1
3.438.162.671 денари
околу 56 милиони евра
Во 2010 година, ЕЛЕМ повторно започнува постапка за ЛОТ 2 (модернизација на котли) и на 15 декември 2011 (2 години по договорот за ЛОТ 1) склучува Договор со BABCKOCK BORSIG STEINMULLER GMBH:
вредност 6.422.445.000 денари
околу 104 милиони евра
Значи: модернизацијата на агрегатите на ТЕ Битола по ваквата постапка чини:
9.860.607.671 денари
околу 160 милиони евра
Што е спорно?
При првиот оглас, еден од учесниците TEHNOPROMEXPORT доставил конечна понуда:
ЛОТ1: 37.618.007,71 евра
ЛОТ2: 27.880.027,62 евра
ВКУПНО: 65.498.035,33 ЕВРА
95 милиони поевтино од тоа што договорило АД ЕЛЕМ
Значи, во процедура која траела повеќе од две години, ЕЛЕМ одлучува за модернизацијата на агрегатите во ТЕ Битола да плати 95 милиони евра поскапо.
Дополнително, заради одвоената работа на ЛОТ 1 и ЛОТ2, два блока во РЕК ќе бидат во застој од околу 100 дена (време потребно за реализација на предвидените работи) што значи и индиректна штета од околу 60 милиони евра, енергија која наместо да биде произведена во Македонија мора да се надомести со увоз на струја.
Веќе видовте како недомаќински и безобразно се трошат парите на македонските граѓани. Кои се причините АД ЕЛЕМ вака лесно да се откаже од неверојатни 155 милиони евра само во една јавна набавка.
Но, факт е дека ваквите бизнис-зделки како и профитот од увоз на струја кој надмина 73 милиони евра, само во првите седум месеци, директно влијаат на повисоките сметки за струја. Од џебот на македонските граѓани овие пари завршуваат во нечии дебели сметки.