Пратеникот од Демократската партија на Србите, Иван Стоилковиќ на неговиот Фејсбук напиша дека Собранието е како сточен пазар.
За денеска е закажана собраниската седница за уставните измени, меѓутоа таа се уште не е започната.
Антионо Милошоски од ВМРО-ДПМНЕ на прес-конференција го повика претседателот на Собранието, Талат Џафери веднаш да пристапи кон гласање за уставните измени, со цел да се види дали е собрано двотретинско мнозинство за гласање на уставните измени.
Пратеникот Ферид Мухиќ претходно изјави дека доколку е обезбедено двотретинско мнозинство ќе се гласа, а доколку не се собере гласањето нема да се случи денес.