Кумановските стечајци утрово излегоа на протест и повторно го блокираат излезот на градот.
Тие го изразија својот револт, поради нерешениот статус, но најавија и радикални мерки.
-Нема ниту еден збор за стечајните работници. Ако не ни помогне јас гарантирам дека ниту еден стечаен работник нема да гласа за неговиот кандидат. Имаме куп извршители, судски пресуди, не можеме да се справиме со нив. Затоа го прашувам Груевски дали може да ги одлежиме комуналните такси и тужбите за струја. Ќе има ли место за стечајните работници во затвори – изјави претседателката на УНИТ, Лилјана Георгиевска.
На премиерот Никола Груевски му дадоа рок до 16-ти февруари да седне на преговарачка маса со нив, доколку тоа не се случи најавија дека ќе покажат граѓанска непослушност.