Осумдесет и едногодишен старец од Кичево е пронајден мртов пред влезната врата од неговата куќа, соопшти денеска полицијата.
Старецот С.П.Г. е пронајден вчера околу 20:35 часот од страна на неговиот син. Починатиот бил во лежечка положба со лицето свртено кон земја и имал повреда на лицето и траги од крв.
Увид на местото на настанот извршиле јавен обвинител и увидна екипа од полициската станица во Кичево.
По наредба на јавен обвинител, телото на починатиот е предадено на обдукција во Медицинскиот центар во Кичево.