Српската напредна странка (СНС) на денешната прес-конференција информира дека нејзини членови, вработени во јавните претпријатија во општината се изложени на мобинг и политички реваншизам.
– Ваквото однесување кон сите неистомисленици на СДСМ, освен од актуелниот градоначалник, веројатно е поддржано и од централните структури на партијата, па се врши интензивен притисок и деградирање на припадниците на СНС, рече портапролот на СНС од Куманово Наташа Ивановска.
Според неа, нивниот партиски колега, вработен во ЈП „Чистота и Зеленило“, Слаѓан Јовановиќ, по изборите е прераспределн на работно место со помала плата и бодови.
СНС најави дека за ваквиот однос кон нивните сопартијци известени ќе бидат меѓународните организации за човекови права и слободи.
Директорот на ЈП „Чистота и Зеленило“ Сашо Петрушевски негира дека нивниот вработен не е подложен ниту на мобинг, ниту на политички реваншизам.
– Вработениот е прераспределен на место согласно систематизацијата за работни места на претпријатието. Тој и претходно работеше на работно место со средна стручна спрема и сега е распределен на место со средна стручна спрема. Не се работи за никаква политичка пресметка и мобинг, туку за прераспределба на работно место согласно законските норми и систематизацијата согласно потребите на претпријатието, изјави директорот на ЈП “Чистота и Зеленило”,Сашо Петрушевски.