Претседателот на Владата на Република Македонија Зоран Заев денеска во Трст каде што се одржува самитот Западен Балкан, се сретна со премиерката на Србија Ана Брнабиќ.
На состанокот, на кој се разговарало за билатералната и регионалната соработка присуствувале и министрите за надворешни работи на двете земји, Никола Димитров и Ивица Дачиќ, пренесува Танјуг.
Ова е прва средба на новите премиери на Македонија и на Србија.
Предвидено е премиерот Заев денеска во Трст да има средби и со премиерите на Албанија, Еди Рама и на Словенија, Миро Церар, како и со европски државници и претставници на ЕУ. Претседателот на Владата на Република Македонија ќе се сретне и со Борис Џонсон, министер за надворешни работи на Обединетото Кралство.
