Претседателот на Либералната партија, Ивон Величковски денес се сретна со амбасадорот на Француската Република, Кристијан Тимоние.
На средбата беше разгледана тековната политичка состојба, а претседателот Ивон Величковски го реафирмираше ставот на Либералната партија дека евро-атланскиот и европскиот пат на Македонија оди заедно со владеењето на правото, остварувањето на правата на човекот и граѓанинот, и борбата со криминалот и корупцијата:
– Денес не е доволно да избираме меѓу стабилност и демократија, туку стабилноста на Македонија зависи од демократијата во земјата. Само формирање влада, без вистинско оспособување на институциите, без транспарентност и без што поширок општествен и политички консензус за клучните прашања, ризикува да не биде решение на кризата, туку вовед во нејзината следна етапа – оцени Величковски.
На средбата присуствуваше и претседателот на Комисијата за надворешна политика на партијата, амбасадорот Љупчо Арсовски.