Претседателката на ДОМ, Лилјана Поповска денеска оствари официјална средба со француската амбасадорка во Република Македонија, Лоренс Оер. Во разговорот стана збор за актуелната политичка криза во нашата земја и за можните скорешни решенија.
Поповска ја посочи неопходноста од одржување фер и демократски избори со кредибилен избирачки список, за чие прочистување е потребна поддршка и од меѓународната заедница. Во тој случај изборите би можеле да се одржат во октомври, со што би се излегло од кризата и би се овозможило нормално функционирање на институциите. Неприфатливо е да се оди на избори со список, кој наместо да се прочисти, се зголеми за нови 135.000 лица.
Поповска ја нагласи и неопходноста од кординација и вклученост во процесот за надминување на кризата и на други партии и граѓански организации.
На средбата стана збор и за посветеноста на Франција за заштита на животната средина и одржливиот развој, за што дава силна поддршка и на многу иницијативи од нашата земја.