Денеска, заменик министерот за надворешни работи, Андреј Жерновски, оствари средба со ко-известителите за Република Македонија на Комитетот за мониторинг на ПССЕ, г-а Лисе Кристоферсен (Норвешка, СОЦ) и Валериј Гилетчи (Молдавија, ЕНП), кои во рамките на редовните активности на својот мандат се во посета на Македонија.
Жерновски информираше за актуелните политички состојби во Македонија и реформските процеси во земјата. На интерес на ко –известителите, тој ги претстави моменталните актуелности и идните чекори поврзани после потпишување на Конечниот договор за надминување на разликата околу прашањето на името со Р. Грција.
Ко–известителите Кристоферсен и Гилетчи поставија прашања околу идните преземања во реформите во Македонија.
Во тој контекст, заменик министерот Жерновски информира дека после успешното имплементирање на Акцискиот план 3-6-9, Владата го донесе новиот План 18 кој претставувавa продолжение на реформската агенда кој се базира на наодите во последниот Извештај за напредокот на ЕК. Посебно се задржа на областите на: реформите во судството, активностите кои се планираат за подобрување на слободата на медиумите и правото на слобода на изразување, реформите на администрацијата, преземањата во поглед на реформите на полицијата и механизмите за надворешна контрола на нејзината работа и др.
Заменик министерот за надворешни работи, Жерновски го повтори задоволството од вкупната соработката со Советот на Европа, и определеноста на Владата за целосно имплементирање на обврските на нашата држава за исполнувањето на стандардите на Советот на Европа во однос на владеењето на правото, демократијата и човековите права, кои се од клучно значење и интерес на граѓаните на земјата, но за побрзото интегрирање Република Македонија во европските и евро–атлантските институиции.