Заменик-претседателката на СДСМ Радмила Шекеринска денеска имала средба со делегација на Министерството за надворешни работи на Шведска, предводена од Ола Свенингсон, раководител на одделот Проширување на ЕУ и Југоисточна Европа.
Како што соопшти СДСМ, било разговарано за политичката ситуација во Македонија и за проблемите посочени во последниот извештај на Европската комисија.
– За надминување на политичката криза во земјата, СДСМ понуди пет теми што имаат за цел враќање на демократските процеси во државата и обезбедување услови за слободни, фер и демократски избори, соопшти опозициската партија.