Актуелната политичка ситуација во Македонија беше главна тема на разговор помеѓу заменик претседателката на СДСМ, Радмила Шекеринска и амбасадорот на Финска за Македонија, Тимо Рајакангес.
Амасадорот Рајакангес ја споделува загриженоста изразена во Извештајот на Европската Комисија за состојбата со контролираните медиуми и институции во земјава, од страна на власта. Финскиот амбасадор се интересираше за капациетите за надминување на сериозните предизвици низ коишто минува Македонија како и за иднината на државата како демократско општество.
Заменик претседателката Шекеринска посочи на нерегуларниот изборен процес, притисоците врз медиумите, администрацијата, врз бизнис секторот и на системската контрола на власта како принцип на владеење, поради што пратениците на опозицијата не ги прифатија мандатите.
-Остануваме надвор од Парламентот, фокусирани сме на Стратегијата и на воспоставување партнерски однос со граѓаните кои трпат последици од ваквиот начин на владеење. Поради сите состојби на контролирани медиуми, мешање на партијата со државата, фантомски гласачи во Избирачкиот список, спроведување селективна правда, констатирано и од страна на Европската комисија, бараме решенија за овие проблеми и практични гаранции дека тие ќе се спроведат, што ние предлагаме да се реализира преку техничка влада што ќе ги организира и спроведе следните избори, рече заменик претседателката Шекеринска.
На средбата стана збор и за економската ситуација во Македонија и за предизвиците со коишто се соочени државата, фирмите и граѓаните.