Министерството за надворешни работи информира дека биле одржани возвратни политички консултации во српското МНР на кое учествувале ржавниот советник за Југоисточна Европа при македонското министерство, Билјана Глигорова и помошникот министер за билатерални прашања на Србија, Горан Алексиќ.
На средбата биле разгледани поголем број прашања од билатералните односи, како и унапредувањето на економската соработка, регионалната соработка, како и актуелните состојби во регионот. Потврдена била и „одличната соработка, заедничките и блиските цели во надворешната политика, особено во рамките на развивањето на добрососедските односи и евроинтеграциските процеси.
Притоа од македонска страна бил предаден усогласениот текст на Спогодбата за соработка меѓу Владата на Република Македонија и Владата на Република Србија во контекст на процесот на пристапување во Европската унија- информираат од македонското МНР.