Во насока на континуираната соработка со Делегацијата на Европската унија во Република Македонија, претседателот на Здружението на судиите на Македонија Џемали Саити, придружуван од потпретседателката – судија Емилија Шопар Јованова, претпладнево оствари средба со шефот на Делегацијата на ЕУ, Самуел Жбогар.
На средбата, како што е наведено во соопштението од Здружението на судии, соговорниците разговарале за моменталните предизвици во судството и идните чекори.
Во таа насока, Саити го информирал амбасадорот Жбогар за тековните активности и приоритетите на Здружението во однос на најавените реформи во судството. Акцентот бил ставен на потребата од вклучување на Здружението во овие активности, како рамноправен партнер на сите останати чинители.
Амбасадорот Жбогар изразил задоволство од досегашната соработката, истовремено поддржувајќи ги активностите на Здружението во насока на подобрување на статусот на судиите и градење на релевантни механизми за владеење на правото.
Соговрниците, како што е наведено во соопштението, заклучиле дека идните реформски активности треба да бидат транспарентни и во овој процес да се вклучат сите релевантни фактори на правосудсниот сектор.