Претседателот на СДСМ, Зоран Заев, попладне се сретна со генералниот директор за политички работи во МНР на Кралството Шведска Торбјорн Солстром, придружуван од шведскиот амбасадор, Матс Стафансон.
СДСМ по средбата соопшти дека клучна тема на разговорот била можноста за продолжување на разговорите за решавање на политичката криза во Македонија низ преговори.
Заев на средбата истакнал дека само Влада во којашто нема да учествуваат премиерот Никола Груевски и неговите соработници може да постигне резултати во, според соопштението, „критичните области: обезбедување фер изборен процес, независно судство, медиуми, нотирани и во извештаите на Европската комисија и ОБСЕ/ОДИХР“.