Претседателот на Владата на Република Македонија Никола Груевски попладнево ќе оствари средба со претседателот на Владата и министер за надворешни работи на државата Катар шеик Хамад бин Џасим бин Џабир Ал-Тани.
Официјалниот пречек на премиерот Џабир Ал-Тани ќе се одржи на платото пред Владата, соопшти владината прес-служба.
Тет а тет средбата помеѓу двајцата премиери ќе се одржи во Владата на Република Македонија, по што следуваат разговори на официјалните делегации на двете земји.
Предвидено е потпишување меморандуми за разбирање за соработка во областа на здравството меѓу владите на Република Македонија и на Државата Катар и меѓу Катарската комора и стопанските комори на Македонија.