Педесетина пензионери од Здружението на пензионери на Општина Центар-Скопје денеска престојуваа во посета на своите пријатели пензионери од општина Кочани. На средбата пензионерите од двата града разменија искуства од досегашното воспоставено пријателство, а договорија и средба во Скопје за денот на ослободувањето на градот – 13 ноември.
Денешната средба, како што изјави Павле Спасов, претседател на Здружението на пензионери од Општина Центар, е можност повеќе пензионерите од двата града да се дружат и да се договараат за наредни средби кои веќе стануваат традиционални, двапати годишно.
– Средбата во Кочани е знак на искреното пријателство што го имаме со пензионериоте од скопската општина Центар. Покрај дружењето, најуспешните пензионери спортисти ги одмерија силите во две спортски дисциплини, шах и стрелаштво, изјави Ѓорѓи Серафимов, претседател на пензионерите од Кочани.
Во рамките на заедничката средба беа проследени и неколку интересни содржини од програмата на годинашните Петровденски празнувања во Кочани.
