Министерот за внатрешни работи Оливер Спасовски денеска оствaри работна средба со амбасадорот на Руската Федерација во нашата земја, Сергеј Александрович Баздникин.
На средбата, информираат од Министерството, Спасовски и амбасадорот Баздникин, меѓудругото, разговарале за продолжување на веќе успешно воспоставената билатерална соработка помеѓу ресорните министерствата на двете земји, особено во поглед на борбата против организираниот криминал, како и за можностите за натамошно унапредување на соработката во областа на борбата против сајбер криминалот преку пружање на експерти за поддршка.
Амбасадорот Баздникин на министерот Спасовски му го честитал повторното стапување на функцијата – министер за внатрешни работи, со желби за уште поуспешно унапредување на билатералната соработка меѓу двете земји на безбедносен план.