Премиерот Никола Груевски во Санкт Петерсбург се сретна со рускиот претседател Владимир Путин.
На средбата двајцата ги истакнале добрите политички односи кои владеат меѓу двете земји на севкупно ниво и односите кои се во нагорна линија.
Премиерот Груевски и претседателот Путин констатирале дека двете земји успешно се справија и се справуваат со последиците од глобалната економска криза, која е сериозен предизвик за сите земји од светот.
Соговорниците изразиле заложба и поддршка за продлабочувањето и интензивирањето на економските односи, зголемувањето на економската соработка на планот на инвестициите и трговската размена.
Меѓу клучните приоритети било разговарано за соработката во областа на гасификацијата и вклучувањето на Република Македонија во меѓународните коридори за пренос на гас, што би се отвориле нови перспективи за македонската економија.