Претседателот на Собранието на Република Македонија Талат Џафери оствари средба со заменик-претседателот на Владата на Република Албанија Сенида Меси, на која биле разменети мислења во насока на унапредување на односите меѓу двете земји.
Џафери, како што информираат од неговиот кабинет, истакнал дека Собранието на Република Македонија ќе ги поддржи сите иницијативи кои се во насока на продлабочување на соработката на двете пријателски земји.
Двајцата се согласиле дека од суштинско значење е потпишувањето на договори за соработка во областа на земјоделството, здравството и образованието.