Државниот секретар во Министерството за надворешни работи, Виктор Димовски, денеска имаше средба со амбасадорот на Државата Кувајт во Република Македонија, со седиште во Софија, Јакуб Алатеки, на која двајцата изразиле задоволство од досегашната соработка меѓу двете земји, нагласувајќи ја подготвеноста за нејзино натамошно продлабочување и унапредување на билатерален и на мултилатерален план.
Како што соопшти МНР, заемно бил потенциран интересот за натамошно проширување на економската соработка, зголемување на трговската размена и воспоставување директни контакти меѓу стопанските субјекти на двете земји.
На средбата исто така, биле разменети и мислења за надворешно-политичките приоритети на двете земји, како и за актуелните меѓународни прашања.