Директорот на Царинската управа, Ѓоко Танасоски оствари средба со Амбасадорката на Јапонија, Кеико Ханеда.
„На средбата амбасадорката Ханеда беше запозната со претстојните приоритетни и стратешки активности што ги презема Царинската управа во насока за понатамошно осовременување на царинското работење и забрзувањето на меѓународната трговија.
На средбата е истакната заинтересираноста за продлабочување на билатералната соработка помеѓу царинските служби на Јапонија и Република Македонија, на полето на примена на искуства и добри практики за поголема ефикасност и примена на современи методи во работењето“, се вели во соопштението на Царинската управа.