Амбасадорот на Унгарија, Ласло Дукс, денеска оствари протоколарна посета на општина Куманово и се сретна со градоначалникот на општината Зоран Дамајновски.
Градоначалникот рече дека на средбата го информирал амбасадорот за карактеристиките на најголемата локална самоуправа во Македонија, за проблемите, за статусот на градоначалниците, а разговарале и за економијата. Во последниве три години, додаде Дамјановски Унгарија има рапиден раст во однос на стоковата размена со Македонија,така што разговорот одел во насока на продлабочување на економската соработка.
-Главната тема беше што е Куманово, каква е судбината на локалните проблеми, менаџирањето со општината, мандатите на градоначалниците, политичката криза и видувањата во разрешницата, истакна Дамјановски, посочувајќи дека Унгарија е голем пријател на Македонија.
Нагласи дека со економскиот советик од амбасадата на Унгарија, Ервин Сел разговарале за економска соработка и дека ќе направи напори да ги поврзе бизнисмените од општината и соодветните сектори, локалниот економски развој и урбанизам за понатамошна соработка со Унгарија. Дамјановски посочи дека на средбата претставникот на амбасадата пројавил интерес за челична индустрија, земјоделство и производство на храна.
Според амбасадорот Дукс Куманово има одлича географска позиција.
-Како што рече градоначалникот, фокус беше економската соработка, со тоа што географски Куманово е најблиску до границата, се надеваме дека ќе ја прошириме соработката во иднина. Затоа ме придружуваше и економскиот аташе и се надеваме дека во блиска иднина практично ќе се реализира таа соработка, истакна Дукс.