Без одговор се’ уште стои прашањето на Советот за радиодифузија зошто МТВ на некои места во земјава зрачи преку аналоген сигнал.
СРД се обратила до националниот сервис и од таму велат дека рокот уште е во тек, а откако ќе добијат одговор, на седница ќе разгледаат дали МРТ ги исполнила обврските за дигитализација, вели претседателот на СРД, Зоран Трајчевски.
Замената на аналогниот со дигитален сигнал започна од 1-ви јуни. СРД објаснува дека во овој период, приватните телвизии ги исполниле обврските и ги почитуваат одредбите од законот кои власта ги донесе по брза постапка.
Единствено јавниот радиодифузер речиси еден месец зрачи незаконски во етер.
Петар Клинчарски