Во близина на местото Плажа, Долно Блаце, вчера околу 20:00 часот вршејќи патролна служба припадници на граничната полиција забележале едно лице со натоварени два коња со криумчарена стока како се движи во правец од Република Македонија кон Република Косово.
При обид на полициските службеници да го запрат, лицето ги оставило коњите и почнало да бега во правец на Косово.
Криумчарената стока, како што соопшти МВР, била донесени во полоциската станица за ГН Блаце и утврдено е дека се работи за разновиден текстил и медикаменти од кои палта, панталони, кошули, вратоврски, потоа ампули кетонал, хигиа шампон, аминофилин ретард, трамадол, ефедрин капки за нос, синтром антикоагулант, ацикловир маст, флажил, халдол таблети, далерон, нутрикомп течност, како и еден апарат за сечење стакло за диоптрија и сталажи за изложување на накит.
Полицијата презема мерки за целосно расчистување на случајот и идентификување на инволвираните лица.