-Помогнете и на Македонија и на сите нас e апелот на граѓаните на Велес и велешко кои се сретнаа со генералниот секретар Оливер Спасовски и со претставници на СДСМ.
Велат секој ден е сé потешко.
-Нé запусти оваа власт. Не можеме крај со крај да врземе.
Низ горчина говорат за искуствата со извршителите кои им го земаат последниот денар.
Населените места Башино село и Горно Оризари немо сведочат за пустината. Оставено на забот на времето е недовршеното училиште уште од мандатот на претходниот градоначаник. Деца малку. Возразни исто така.
Состојбите на теренот го потврдуваат тоа за што говори генералниот секретар Спасовски.
-600 илјади граѓани, најголем број млади, ја напуштија земјава, затоа што не гледаат перспектива. Ние заедно со вас ја враќаме надежта. Се менуваат работите, а ќе си ги вратиме децата дома, рече Спасовски.
Тој додаде дека голема сила влече СДСМ од вербата што ја чувствува од граѓаните.
Граѓаните на Велес меѓу кои има и многу стечајци се интересираа за нивната егзистенција.
-Во првите сто дена по промената на власта, ќе го решиме статусот на стечајните работници, одговори Спасовски.
Генералниот секретар на СДСМ, Оливер Спасовски во Велес и велешко беше придружуван од претседателот на Комисијата за животна средина Пеце Мирчески, од претседателката на Форум на жени, Цветанка Ласкова и од потпретседателот на партијата, Дамјан Манчевски.