Спасовски се сретна со учениците кои освоија медали на Меѓународната јуниорска олимпијада по природни науки

Од:

Претседателот на Владата на Република Северна Македонија Оливер Спасовски денеска ги прими учениците, основци кои во рамки на 16-тата Меѓународна јуниорска олимпијада по природни науки, во декември во Доха, главниот град на Катар, освоија две сребрени и три бронзени медали.

Премиерот Спасовски на учениците, придружувани од нивните ментори, како и од претставник на родителите, им честитал за големиот успех, потенцирајќи дека образованието е едно од најважните прашања, на кое треба да му се посветиме со огромно внимание и низ разговори да се решаваат сите пречки, за напредок и остварување понатамошен успех.

– Чест ми е, што се среќавам со вас, Олимпијци кои го покажувате вашиот квалитет на меѓународни натпревари. Не правите горди, ни покажувате дека имаме потенцијал, за кој вреди да се бориме да го задржиме тука, во нашата земја, им се обратил премиерот Спасовски на учениците Матеј, Теона, Стефан, Никола, Емилија и Мајкл, соопштија од владиниот Сектор за односи со јавноста.

На средбата било констатирано дека се потребни соодветни системски решенија во областа на образованието, кои, како што било нагласено од заменичката на министерот за образование Елизабета Наумовска, веќе се динамизираат и оти се преземаат чекори за решавање на детектираните проблеми.

Било изразено и задоволство од фактот дека Фондот за иновации и технолошки развој (ФИТР), како и Агенцијата за млади и спорт учествуваат со финансиска поддршка на талентираните ученици, кои настапуваат на натпревари.

На средбата премиерот Спасовски истакнал дека ќе се заложи за постигнатиот успех на учениците, кои достојно ја претставуваат нашата земја, да следува соодветна поддршка и награда од Владата.

Би можело да ве интересира

Спасовски ќе ја предводи делегација на Владата на Самит на ЕБОР за Западен Балкан во Лондон

Ана Ололовска

Чолош: Северна Македонија подготвена за почеток на преговори, исполнети сите услови

Ана Ололовска

Чолош: Со валкана изборна кампања, губитници ќе бидат и граѓаните и државата

Ана Ололовска

Спасовски: Закажување седница на Влада за пасошите не е проблем, разгледуваме две можни решенија

Маја Илиевска-Пачемска

Владата контра Чулев: Министерот донесе незаконски решенија за распоредување во МВР

А1он

ВИДЕО: Спасовски без одлука на Владата поништил 124 решенија во МВР, Чулев го обвини за фалсификат

Маја Илиевска-Пачемска