Премиерот Оливер Спасовски се сретна со Данчо Марковски, кандидатот за амбасадор на земјава во Албанија, со кого разговарале за односите меѓу двете земји и нивниот развој во иднина.
Како што соопшти владината прес-служба, на средбата заеднички е констатирано дека е од интерес на нашата држава продолжувањето на добрососедските односи со Албанија на политички и на економски план, како и во делот на заштитата и перспективите на македонското национално малцинство и на граѓаните од нашата држава кои живеат и работат таму.
Оценето е дека воспоставената добра соработка меѓу двете држави е добра основа за интензивирање на односите на економски план и во областа на културата.
Премиерот Спасовски му го честиташе на амбасадорот Марковски назначувањето на позицијата и најави поддршка од Владата на сите проекти и активности од државен интерес.