(ВИДЕО) Спасовски: Зголемени активности за подобрување на безбедноста на граѓаните

Од:

Министерот за внатрешни работи Оливер Спасовски денеска ја посети Полициската станица во Кисела Вода во рамки на реализација на планот за посета на ПС во Скопје.

Од страна на командирот на ПС министерот Спасовски бил информиран за преземањето активности, за степенот на криминалитетот, за превенцијата, но и за проблемите со кои се соочуваат како што се просторното сместување и техниката.

Според Спасовски, има проблеми во делот на малиот број полициски службеници кои работат во ПС и затоа се настојува да се врати позарникарската служба во Скопје, а потоа и во РМ. Но, за тоа треба поголем број полицајци. На подрачејто на ПС Кисела Вода, информира, најголем процент се имотно-правните деликти.

– Се зголемува и процентот на реализација. Многу е важно превентивно да делуваме, а за тоа е најзначајно да имаме позарникарска служба. Имаме подобрување, но тоа е далеку од очекуваното и потребното. Ќе се направат сите можни активности овие проценти да се зголемат и да се зголеми безбедноста на граѓаните, иако безбедноста на граѓаните на Скопје е стабилна, нема поголеми нарушувања, но секогаш може подобро, изјави министерот Спасовски по посетата на ПС Кисела Вода.

На новинарско прашање дали е вистина дека немало налог за приведување на градоначалникот на општина Пустец Едмон Темелко, министерот Спасовски истакна дека активностите кои се спроведуваат во однос на оперативната акција „Титаник“ ги води Специјалното јавно обвинителство и е постапено по нивна наредба.

– Се што е преземено, е преземено врз основа на наредба на СЈО, одговори министерот за внатрешни работи.

Прашан зошто е приведен Темелко, а не и останатите осомничени, Спасовски упати на одговор до СЈО бидејќи, посочи, тие ја водат оперативната акција.

На прашањето дали заврши вештачењето на панцирите пронајдени во „фабриката на афери“ на Чаушот, тој рече дека се работи на таа истрага, но за подетални информации упати во Јавното обвинителство за организиран криминал.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци