Техничкиот премиер Оливер Спасовски соопшти дека резултатот од тестот што го добил вечерва е негативен и дека не е носител на коронавирусот.
„Согласно препораките на епидемиолозите, останувам и натаму во изолација во домашни услови. Се придржувам до препораките и советите на лекарите, најдисциплинирано“, напиша Спасовски на Фејсбук.
Тој вели дека во деновите на самоизолација, од дома ги извршува сите активности поврзани со водењето на Владата во услови на вонредна состојба.
„Пикот на заразата е се уште тука, но ефектите од почитувањето на мерките се видливи за сите“, истакна Спасовски.
Ви благодарам за поддршката!