Спасовски-Јаќимовиќ: Заеднички определби за нови унапредувања на соработката меѓу двете држави и во регионот и за европска иднина

Од:

Претседателот на Владата на Република Северна Македонија, Оливер Спасовски, се сретна со Драган Јаќимовиќ, новоименуваниот амбасадор на Босна и Херцеговина во нашата држава.

Амбасадорот на БИХ, Јаќимовиќ, му го честиташе на премиерот Спасовски стапувањето на должноста и изрази очекување за скорешно остварување на евроинтеграциската стратешка цел на нашата држава, пат кон којшто е определена и Босна и Херцеговина.

Пренесен е интерес од граѓаните на Босна и Херцеговина и од тамошната економска заедница, за уште поголемо унапредување на воспоставената добра соработка помеѓу двете држави.

На средбата е заеднички констатирано дека постои значителен напредок во односите помеѓу двете земји изминатите две и пол години, во повеќе области од полза на граѓаните, како што е меѓусебното признавање на возачките дозволи, влегувањето во државите со лични карти, направените заложби во создавањето услови за подобра економска соработка.

Констатирано е дека двете земји немаат отворени билатерални прашања и дека тоа отвора широк простор за меѓусебна соработка.

„Определени сме да продолжиме да ги унапредуваме добрите пријателски и партнерски односи помеѓу нашите две држави, како и за добра соработка со сите соседи и во регионални рамки. Добро е што раководствата на државите во регионот се насочени повеќе од секогаш кон надминување на какви било отворени билатерални прашања и за гледање кон иднината. Пријателствата и зајакнувањето на економската соработка ќе овозможат во нашата заедничка голема цел, да ги мотивираме граѓаните на нашите држави и посебно младите луѓе, да останат да живеат и работат во своите родни земји. И Република Северна Македонија ќе продолжи да придонесува во добрата регионална соработка и европските интеграции“, рече премиерот Спасовски.

На состанокот е разговарано за можностите за поактивна соработката меѓу Република Северна Македонија и Босна и Херцеговина во делот на поврзувањето на стопанските комори, во областа на земјоделството, за планираното воспоставување авиолинија што ќе ги олесни комуникациите меѓу двете земји и граѓаните, за поттикнувања на промоцијата и соработката во областа на туризмот и во сите други области од значење за квалитетот на живот на граѓаните.

Би можело да ве интересира

Владата препорачува откажување на поголеми јавни собири до 6 март поради коронавирусот

Ана Ололовска

Спасовски-Клуге: Нашата држава примерно ги применува препораките на СЗО за коронавирусот

Ана Ололовска

Владата ќе одлучува дали ќе забрани јавни собири и натпревари поради коронавирусот

Ана Ололовска

Османи во посета на Австрија, евроинтеграцијата во фокусот на средбите

Ана Ололовска

Вицепремиерот Османи во работна посета на Австрија

Ана Ололовска

Спасовски-Баздникин: Потврдени се добрите односи меѓу државите и отвореноста за економска соработка

Ана Ололовска