Според официјалната интернет страница на Владата на РМ, министер за внатрешни работи е се уште Митко Чавков, а министер за труд и социјална политика, се уште е Диме Спасов. И покрај тоа што новите министри за внатрешни и за социјална политика и труд се Оливер Спасовски и Фросина Ременски, од редовите на СДСМ, според договорот на партиите, тие воопшто не постојат на официјалната страница на Владата. http://www.vlada.mk/
Дека новите министри се намерно изоставени од официјалната страница на владата, фрла сомнеж и фактот што оваа страница секојдневно се обновува со нови соопштенија за активностите на премиерот Груевски, како на пример неговото потпишување во книгата на жалоста во Француската амбасада, на 18 ноември, потоа неговата посета на Бардовци од 17 ноевмри, или средбата на Груевски со делегација од Обединети емирати, од вчера.
На страницата можат да се прочитаат и најновите соопшенија за активностите на владата, како за новиот пат Штип – Радовиш, за бесплатни проекти за градба на куќи итн.
Но, иако новите министри Спасовски во МВР и Ременски во труд и социјала се на оваа функција од 12 ноември – за нив нема ниту збор на официјалната страница на Влада на РМ.