Не се избраа шефови на вишите јавни обвинители, меѓу кои е и скопското. Антонио Јолески, претседател на Советот на јавни обвинители вели дека членовите побарале време за да ги видат оценките и досиејата, пред да пресечат за кого ќе гласаат.
„Им требаше време да ги видат досиејата за јавни обвинители. Сметаа дека им треба дополнително време. И онака сме тенки со мнозинство, не можам да дозволам да замине и да гласа. Замениците ќе ги водат Вишите обвинителства до изборот“, вели Јолески.
Сите членови барале од него да се одложи гласањето. Со вишите обвинителства ќе управуваат замениците, а тој лично е против именување на вршител на должност до избор на нов шеф.
„Мој став е дека секогаш треба да има обвинител кој ќе ја презеде обврската, јас сум против в.д.“, додаде Јолески.
Во скопското обвинителство, кандидат е актуелниот шеф Мустафа Хајрулахи и вишите обвинители Фатиме Фетаи и Бурим Рустеми.