Советничка група на ВМРО-ДПМНЕ нема да биде декор за криминалите на Шилегов, ја напушти расправата за буџетот Од 70 поднесени амандмани на Советничката група на ВМРО-ДПМНЕ и коалицијата за Обнова на Македонија за предлог буџетот за 2020 година, Градот Скопје нема прифатено ниту еден. Што говори дека овој буџет е едностран, неразвоен и служи единствено за исполнување на лукративните цели на Петре Шилегов и СДСМ, велат од Советничка група на ВМРО-ДПМНЕ на Град Скопје преку соопштение.
„Шилегов носи буџет со кој Градот Скопје не оди напред туку тоне во долгови, неразвојност и криминал. Токму затоа, поради демонстрација на насилие и едноумие од Шилегов, советничката група на ВМРО-ДПМНЕ и Коалицијата за Обнова на Македонија ја напушта амандманската расправа за предлог буџетот за 2020 година.“, се наведува во соопштението.
Советничката група на ВМРО-ДПМНЕ и Коалицијата за Обнова на Македонија во Градот Скопје нема да служи како декор за исполнување на
лукративните цели на Петре Шилегов, велат од таму.
„На Петре Шилегов му треба Совет кој ќе ги аминува неговите сулуди и нереални идеи и на неговиот СДСМ. ВМРО-ДПМНЕ нема да учествува и нема да допринесува за носење на мегаломански, популистички и неразвоен буџет за Град Скопје.“, порача Советничка група на ВМРО-ДПМНЕ на Град Скопје.