Состојбата на 14-те повредени од пожарот во Кочани во бугарските болници е тешка, петмина се интубирани

Од:

Бугарија прими 14 повредени во пожарот во ноќниот клуб во Кочани, кои се хоспитализирани во три болници. Според информациите од здравствените установи, сите пациенти се во тешка состојба, со изгореници и вдишување на жешки гасови, јави БТА.

Во Универзитетска мултипрофилна болница за активно лекување и ургентна медицина „Н.И. Пирогов“ во Софија примени се осум пациенти, од кои тројца се малолетни на возраст од 15 и 16 години. Останатите петмина се на возраст од 19 до 31 година, а пет од нив се интубирани.

Во Мултипрофилна болница за активно лекување Варна при Воената медицинска академија се хоспитализирани тројца повредени, на возраст 17, 20 и 25 години. Двајца од нив се на апарат за механичка вентилација.

Во УМБАЛ „Св. Георги“ – Пловдив исто така се примени тројца пациенти, на возраст 19, 21 и 49 години, со изгореници од втор и трет степен, како и оштетувања од вдишување на жешки гасови.

Информации за состојбата на пациентите

Најновите информации за здравствената состојба на повредените ќе бидат достапни за нивните најблиски во следните термини:

УМБАЛСМ „Пирогов“ (Софија) – во 08:00 и 13:30 часот пред Одделот за реанимација на Клиниката за изгореници (втор кат).
МБАЛ-Варна при ВМА – во 09:00 и 12:00 часот.
УМБАЛ „Св. Георги“ – Пловдив – од 08:30 до 09:00 и од 17:00 до 17:30 часот.

Министерството за здравство на Бугарија обезбеди 24-часовна телефонска линија за информации за болниците каде што се сместени повредените. Телефонскиот број е +359 2 8050 300.

Би можело да ве интересира

16. Марш на ангелите во Кочани: До каде е постапката за полициските службеници за пожарот во „Пулс“?

Горан Наумовски

Апасиев го тужи Гаши за Надзорната расправа за трагедијата во Кочани

ЕК покрена три нови постапки против Бугарија поради кршење на прописите на ЕУ

А1он

Се запали куќа во Кочани: Пожарникарите спасија повозрасна жена, три лица завршија во болница

Горан Наумовски

Со заедничка резолуција во Европскиот парламент ќе покажеме дека сме добри соседи со Бугарија, вели Мицкоски

Муцунски: Предлогот за заедничка резолуција со Бугарија до Европскиот парламент е стигнат и сега Софија е на потег