Министерот за надворешни работи Никола Попоски денеска во Стразбур ќе учествува на состанокот на делегацијата на Европскиот парламент во Мешовитиот парламентарен комитет Македонија – Европска Унија.
На состанокот, со кој ќе претседава словенечкиот европратеник Алојз Петерле, во присуство на известителот за Македонија во Европскиот парламент, Иво Вајгл и претставник од Европската комисија, се очекува да бидат разменети мислења за актуелната политичка ситуација во Република Македонија, како и за актуелни прашања поврзани со европскиот интегративен процес.
Планирано е Попоски да оствари средби со генералниот секретар на Советот на Европа, Торбјорн Јагланд, како и со неколку членови на Европскиот парламент.