МВР извести дека вчера во 9.15 часот на граничниот премин „Долно Блаце“, полициски службеници го уапсиле Ф.С.(45) од Косово поради сомнение за сторено кривично дело „давање поткуп“.
Дента околу 8.50 часот на граничниот премин не му бил дозволен влез во државата на автобус со косовски национални ознаки затоа што возачот не поседувал сертификат за професионален возач на автобус. Набргу на преминот пристигнал Ф.С., сопственик на компанијата за која возел возачот, при што барал автобусот да биде пропуштен.
Притоа, тој му понудил пари на сменоводителот, па бил приведен во полициска станица. По целосно документирање на случајот, против него ќе биде поднесена соодветна пријава.