Македонскиот државјанин, кој беше повреден во сообраќајната несреќа на Халкидики е пуштен од болница и веќе е во Македонија.
Во сообраќајната несреќа што се случи вчера наутро на локалниот пат Муданија-Палјури на првиот крак на Халкидики, загина 22-годишен државјанин на Македонија, откако, од засега непознати причини, се превртел автомобилот со македонски регистарски табличкии, додека сопатникот беше пренесен во болница.
Од грчката полиција соопштија дека околу 6 часот и 20 минути во неделата, на локалниот пат меѓу Муданија и Палјури на Халкидики се превртел автомобилот со кој управувал 22-годишен странски државјанин. Загинал возачот, а неговиот 21-годишен сопатник, исто така странски државјанин, е повреден.
Според информациите од Атина, станува збор за државјани на Северна Македонија, а автомобилот бил со македонски регистарски таблички.
