Сообраќајот на сите државни патишта вечерва се одвива тековно по претежно влажни коловози и со појава на магла на некои патни правци, соопшти ЈП Македонијапат.
Појава на магла има на патниот правец Тетово – Попова Шапка (од Лисец до Попова Шапка) каде видливоста е 30 до 50 метри, на патните правци Штип – Радовиш и Штип – Неготино со видливост од 50 до 100 метри, меѓу Маврови Анови и крак Маврово од 15 до 20 метри и на планинскиот превој Плетвар видливоста е 40-50 метри.
Во клисурите и усеците е можна појава на помали одрони, особено на патните правци: Кочани – Делчево, Виница – Берово, Маврово-Дебар-Струга, Демир Капија – Удово и Катланово – Велес.